Kva skjer i januar?

Det brygger opp til … plateinnspeling! Saman med Sarah Jane Summers, Juhani Silvola og Morten Kvam. Roar Nilsen er produsent. Me skal henge tre dagar i Flatdal Kyrkje første dagane i februar og spele favorittlåtane våre frå Seljord, om den kulaste dama pre-Svartedauden. Gu’ kor eg gledar meg! Teller ned dagane.

Resten av verda skal få høyre det haust 2017.  Me slepper plata i september, og tek oss ein rundtur og spelar greiene i levande live, med ta-med-heim-versjonen i sekken. Gje eit lite pip om du ynskjer besøk der du bur. Så kanskje me kan ordne det. Moro moro moro!

Ha ein god januar. Det blir ljosare snart:-)